မြန်မာနိုင်ငံနှင့် နတ်ကိုးကွယ်မှု

မြန်မာနိုင်ငံနှင့် နတ်ကိုးကွယ်မှု

နတ် ဆိုသည်မှာ “နာထ” ဟူသော ပါဠိမှ ဆင်းသက်လာသည်ဟု သုတေသီတို့ ဆိုကြပါသည်။ နတ်သည် သုံးမျိုးသုံးစားရှိပါသည်။ ယင်းတို့မှာ ၀ိသုဒ္ဓိနတ်၊ ဥပပတ္တိနတ်နှင့် သမုတိ နတ်ဟု သုံးမျိုးရှိ၏။ ယခုရေးသားသော ခေါင်းစဉ်ပါ နတ်ကိုးကွယ်မှု ဆိုသည်မှာ ဥပပတ္တိနတ်ကို ဆိုလိုပါသည်။ နတ်ကိုးကွယ်မှုသည် ကမ္ဘာဦးလူတို့နှင့် မရှေးမနှောင်းပေါ်ပေါက်ခဲ့သည်ဟု ပညာရှင်တို့ ခန့်မှန်းကြ ပါတယ်။ အဲဒိအဆိုအရ ကမ္ဘာဦးလူတို့သည် အသိပညာကောင်းစွာ မဖွံ့ဖြိုးသေးပေ။ မိမိတို့ ပတ်ဝန်းကျင်ရှိ ထိတွေ့နေကြရသော သစ်ပင်၊ တော၊ တောင်၊ မြစ်၊ ချောင်း၊ အင်းအိုင်၊ ရေ၊ နေ၊ လေ၊ မိုးစသော သဘာဝ ပစ္စည်းတို့တွင် ၀ိညာဉ်ရှိသည်ဟု ထင်မှတ်ကြ၏။ ထို့ပြင် ယင်းသဘောတရားတို့သည် မိမိတို့၏ ကောင်းကျိုး ဆိုးပြစ်ကိုလည်း ဖန်တီးနိုင်စွမ်းရှိသည်။ သူတို့ နှစ်လိုလျှင် ကောင်းကျိုးကို ဖန်တီးပြီး မနှစ်သက်က အဖျက် အဆီးပြုတတ်သည်။ မိမိတို့သည် ယင်းသဘာဝတရားတို့အပေါ်မှာ လုံးဝမှီခိုးအားထားနေကြရသည် ဟုလည်း အယူရှိကြပြန်ပါတယ်။ ဒါ့ကြောင့် သဘာဝတရားကို မိမိတို့၏ အကျိုးကိုဆောင်ပြီး အဆိုးကို ရှောင်ရန် ကိုးကွယ်ဆည်းကပ်လာခဲ့ကြပါတယ်။ ဒါကို ဗုဒ္ဓဘုရားရှင်းကလည်း ရှေးဦးလူတို့ သဘာ၀၀တ္ထုကို ကိုးကွယ်မှုပြုခဲ့ကြသည်ဟု မိန့်ကြားခဲ့ ကြောင်း အောက်ပါအတိုင်း တွေ့ရပါသည်။ ဗဟုံ ဝေ သရဏံ ယန္တိ၊ ပဗ္ဗတာနိ ၀နာနိစ။ အာရမ္မရုက္ခစေတျာနိ၊ မနုဿာ ဘယ တဇ္ဇိတာ။ (ဓမ္မပဒ၊ ၁၈၀) အဲဒိလို သဘာဝတရားတွင် ၀ိညာဉ်ရှိသည် အထင်နှင့် ကိုးကွယ်လာကြရာမှ ကြာလာသောအခါ ၀ိညာဉ်မှ နတ်အသွင်သို့ ပြောင်းလဲသွား၏။ ရှေးလူတို့သည် ယင်းနတ်တို့ကို မီးဖြင့်၎င်း၊ ပစ္စည်းဥစ္စာစသည့် ၀တ္ထု တို့ဖြင့်၎င်း ပူဇော်ကြရုံမျှမက လူ၊ တိရိစ္ဆာန်တို့၏ အသက်သွေးများစွာတို့ဖြင့်ပင် မှောက်မှားစွာ ပူဇော်ခဲ့ကြ၏။ နောက်တဖြည်းဖြည်း အသိဥာဏ်ရင့်သန်လာသည်နှင့်အမျှ ယဉ်ကျေးလာကြပြီးလျင် ဘာသာတရားအသီးသီး လည်း ပေါ်ထွန်းလာသောအခါ နတ်ကိုးကွယ်မှုမှာ တစတစ မှေးမှိန်သွားခဲ့၏။ မယဉ်ကျေးမှီကမူ လူမျိုး အသီးသီးတို့သည် နတ်တို့ကိုပင် ကိုးကွယ်ခဲ့ကြ၏။ ရှေးဂရိလူမျိုးများက သူတို့၏ နတ်ကို “ဇု” ဟူ၍၎င်း၊ ရောမလူမျိုးများက “ဂျူပီတာ” ဟူ၍၎င်း၊ ရဟူဒီလူမျိုးများက “အဒိုနေ” ဟူ၍၎င်း၊ ခရစ်ယာန်တို့က “ဂျီယိုးဗား” ဟူ၍၎င်း အသီးသီးအမည်ပေးကာ ကိုးကွယ်ကြသည်ဟု သိရ၏။ ရှေမြန်မာတို့သည်လည်း အစကနဦးက နတ်တို့ကို ကိုးကွယ်ခဲ့ကြ၏။ ဦးစွာ သစ်ပင်၊ တောင်၊ တောင်စသော အ၀ိညာဏကများကို အစောင့်အဖြစ်ကိုးကွယ်ကြရာမှ ကြာသော် သက်ရှိတို့မှ ဖြစ်ပေါ်လာသော “မင်းမဟာဂီရိ” အစရှိသည့် နတ်များကို ကိုးကွယ်လာခဲ့ကြ၏။ နောင်အခါ ဟိန္ဒူဘာသာ၊ ဗုဒ္ဓဘာသာတို့နှင့် ထိတွေ့လာကြသောအခါ နတ်ကိုးကွယ်မှု မှိန်ဝါးသွားသော်လည်း လုံးဝပပျောက်မ သွားခဲ့ပေ။ မြန်မာတို့သည် ဗုဒ္ဓဘာသာကို ကြည်ညိုသကဲ့သို့ ရိုးရာနတ်ကိုလည်း လက်မလွှတ်လိုသဖြင့် ရိုးရာနတ်များတွင် ဟိန္ဒူနတ်၊ ဗုဒ္ဓဘာသာနတ်တို့ကို ဖြည့်စွက်ရောယှက်ကာ ကိုးကွယ် လာကြတော့၏။ သို့သော် မြန်မာတို့သည် ဗုဒ္ဓ ဘာသာကိုသာ ပဓာနပြုကိုးကွယ်ခြင်းဖြစ်၍ နတ်ကိုမူ သာမညမျှသာကိုး ကွယ်ကြ၏။ အချို့ကမူ သာမည အဖြစ်မျှပင် မကိုးကွယ်ချင်ကြဘဲ စတိမျှသာ ကိုးကွယ်ကြ၏။ သို့ရာတွင် ငြိတွယ်နေသော အမြစ်ကမူ နှုတ်မရ လှုပ်မရအောင်ခိုင်မြဲလှ၏။ ပုဂံအနော်ရထာမင်း၊ ဘုရင့်နောင်ဆင်ဖြူရှင်မင်းနှင့် အင်းဝအနောက်ဖက်လွန် မင်းတို့သည် နတ်ကိုးကွယ်မှုကို နှိပ်ကွပ်ခဲ့ကြ၏။ သို့ရာတွင် အမြစ်ပြတ်မသွားဘဲ ယနေ့အထိ စွဲမြဲစွာကိုး ကွယ်လျက် ရှိကြ၏။ မြန်မာတို့ ကိုးကွယ်သောနတ်များတွင် ၃၇ မင်း နတ်သည် အထင်အရှားဆုံးဖြစ်၏။ မူလက ၃၆ မင်းသာဖြစ်၏။ ပုဂံ အနော်ရထာမင်းသည် နတ်ကိုးကွယ်မှုကို နှိမ်နင်းသော်လည်း မရသဖြင့် ထို ၃၆ မင်းတွင် သိကြာမင်းကို ထိပ်ဆုံးတင်ကာ ဗုဒ္ဓဘာသာနတ်များနှင့် ဖျင်းကြီး ဖျင်းငယ်နတ် စသည်တို့ကို ရောစွက်၍ ၃၇ မင်းအဖြစ် ပြင်ဆင်ခဲ့၏။ အာဋာနာဋိယသုတ်လာ နတ်စစ်သူကြီး ၃၇ ယောက်ကို အတုယူ၍ ပြုလုပ်ဟန်ရှိ သည်။ မြန်မာ့ယဉ်ကျေးမှုတွင် ၃၇ ဂဏန်းသည် လွန်စွာအသုံးများ၏။ အသံ ၃၇ ချင်း၊ ဓားရေး ၃၇ ချင်း၊ တက်ရေး ၃၇ ချင်း စသည်တို့ဖြစ်ကြ၏။ အနော်ရထာမင်းသည် နတ်ရုပ်များကို ရွှေစည်ခုံ ဘုရားအုဌ်တံတိုင်းအတွင်း အပြင်တို့၌ထားကာ ကိုးကွယ်စေခဲ့၏။ နတ်ဝါဒကို ဗုဒ္ဓဘာသာလောင်းရိပ်အောက် သွင်းလိုက်ခြင်းပင်ဖြစ်ပေသည်။ ထိုအခါမှစ၍ အတွင်း ၃၇ မင်း၊ အပြင် ၃၇ မင်း ဟုခေါ်တွင်ခဲ့၏။ အတွင်း ၃၇ မင်းတွင် သိကြာမင်း၊ ဓတရဋ္ဌစသော နတ်မင်းကြီး ၄ ပါး၊ စန္ဒီ၊ သူရဿသီ၊ မဟာပိန္နဲ၊ မြင်းဖြူရှင် စသည်တို့ပါဝင်ကြ၏။ အပြင် ၃၇ မင်းတွင် သိကြား၊ မဟာဂီရိ၊ ဖျင်းကြီး ဖျင်းငယ်၊ မန္တလေးဘိုးတော်၊ တပင်ရွှေထီး၊ ယွန်းဘုရင်၊ မင်းရဲအောင်ဒင် စသည်တို့ပါဝင်ကြ၏။ ထို ၃၇ မင်းကို ခေတ်အဆက်ဆက်၌ နတ်ဟောင်းအချို့ကိုပယ်၍ နတ်သစ်တို့ဖြင့် အစားထိုးပြင်ဆင်ခဲ့ကြ၏။ ၃၇ မင်း အရေအတွက်ကိုတော့ ပြင်လိုဟန်မတူပေ။ ထိုအရေအတွက် သည်လည်း ရွှေစည်းခုံနတ် ထိန်းကြီး မူ၊ မြ၀တီဦးစမူ၊ ၀န်ကြီးပဒေသ ရာဇာမူ စသည်ဖြင့် ကွဲပြားလျက်ရှိပြန်၏။ ထို့ပြင် ထိုနတ်စာရင်းပါ နတ်များ သည် တဦးနှင့်တဦး ဆွေမျိုးတော် စပ်နေသည်ကိုလည်း တွေ့ရ၏။ ဥပမာအားဖြင့် မင်းမဟာဂီရိ သည် မောင်တင့်တယ်ဖြစ်၏။ ရွှေမျက်နှာနတ်သည် မောင်တင့်တယ်၏ နှမကြီးဖြစ်၏။ သုံးပန်လှနတ် သည် မောင်တင့်တယ်၏ နှမငယ်ဖြစ်၏။ မနှဲလေးသည် မောင်တင့်တယ်၏ တူမဖြစ်၏။ ရွှေနဘေ သည် မောင်တင့်တယ်၏ ဇနီးဖြစ်၏။ တောင်မကြီး ရှင်ဖြူနှင့်ရှင်ညိုတို့သည် မောင်တင့်တယ်၏ သားများဖြစ် ကြ၏။ တော်စပ်ပုံနှင့်ပတ်သက်၍ မူကွဲများလည်းရှိသေး၏။ အခြားသောနတ်များလည်း ဤသို့ပင် အမျိုး မျိုးတော်စပ်နေကြသည်ကိုလည်း တွေ့ကြ၏။ အဖြစ်အပျက် တို့မှာလည်း ရောယှက်ရှုပ်ထွေးလျက်ရှိ၏။ အမည်နှင့်ပတ်သက်၍လည်း ဆင်ဖြူ၊ မြင်းဖြူ၊ ကျော်စွာ စသည်တို့မှာ တဦးမကဘဲ ရောထွေးလျက်ရှိ၏။ ထို ၃၇ မင်းအပြင် အခြားသော ဒေသဆိုင်ရာ ရိုးရာနတ်များလည်းတွေ့ရ၏။ ယင်းတို့မှာ ပခန်း ဦးမင်းကျော်၊ အနောက်မယ်တော် ရေယဉ်ကတော်၊ အလုံဘိုးတော်၊ နန်းကရိုင်းမယ်တော်၊ ရေငံပိုင် ဦးရှင်ကြီးစသည်တို့ဖြစ်ကြသည်။ ( လောကီကျမ်းနှင့် ဗြာဟ္မဏကျမ်းတို့၌ ဖူးစာရေးနတ်၊ ကျက်သရေစောင့် နတ်၊ သူရဿတီနတ် စသည်ရှိ၏။ ကိုယ်စောင့်နတ် ၁၁ ယောက်ရှိသည်ဟုပင် ဆို၏။) နတ်ကိုးကွယ်နေသူ တော်တော်များများသည် ထိုနတ်တို့၏ အတ္ထုပ္ပတ္တိကိုပင် ကျကျနနမသိကြချေ။ အချို့မှာ ပြောရမှာ ကြောက်သလိုလိုရှိ၏။ ထိုနတ်များ အများစုသည် လူ့ဘ၀က အစိမ်းသေ သေခဲ့ကြသူ များဖြစ်၏။ ကြေကွဲဖွယ် ရုတ်တရက်သေသူများဖြစ်ကြ၏။ ထိုနတ်တို့ကို ခြုံ၍လေ့လာလျင် ခေတ်အားဖြင့် ပုဂံ၊ ပင်းယ၊ အင်းဝ၊ တောင်ငူခေတ် တို့၌ ဖြစ်ကြ၏။ ယောက်ျား မိန်းမ အစုံပါ၏။ အမျိုးအစားအားဖြင့် ရှင်၊ လူ၊ သိကြား အစုံပါဝင်၏။ လူမျိုး အားဖြင့် ဗမာ၊ မွန်၊ ရှမ်း၊ ကုလား၊ ယွန်း၊ ပုဏ္ဏားတို့ကို တွေ့ရ၏။ အရပ်ဒေသ အားဖြင့် မြန်မာနိုင်ငံအနှံ့အပြားနှင့် အိမ်နီးချင်းနိုင်ငံများမှဖြစ်ကြ၏။ အဆင့်အတန်းအားဖြင့် သိကြား၊ ဘုရင်၊ မင်းသား၊ မင်းနွယ်၊ မိဖုရား၊ အမတ်၊ အမှုထမ်း၊ ကုန်သည်၊ ဆင်းရဲသား အစုံပါ၏။ သေခဲ့ကြပုံမှာလည်း ကျားကိုက်၊ မြွေကိုက်၊ မီးလောင်၊ စိတ္တဇဖြစ်၊ ကွပ်မျက်ခံရခြင်း၊ ဖျားနာခြင်း၊ ဘိန်း အရက်စွဲခြင်း၊ ကုဋ္ဌနူ နာဖြစ်ခြင်း စသည်တို့ဖြစ်ကြ၏။ အချို့နတ်များမှာ သမိုင်းပင် မယ်မယ်ရရ မရှိချေ။ ထိုနတ်တို့ကို ပူဇော်ရာ၌ ယင်းတို့၏ ဒေသနှင့်လူဖြစ်စဉ်က အကြိုက်စရိုက်တို့ကို လိုက်၍ပူဇော်ကြ ၏။ များသောအားဖြင့် အုန်းသီး၊ ငှက်ပျောသီး၊ လဘက်နှင့် သပြေခက် တို့မှာ ပင်တိုင်ဖြစ်၏။ လူ့ဘ၀က အရက်သမားဖြစ်ပါက အရက်ပါရ၏။ ထိုနတ်တို့ကို အမှုဖြစ်သောအခါ၊ စာမေးပွဲဖြေသောအခါ၊ စီးပွားရေး ပြိုင်ဆိုင်သောအခါတို့၌ ပူဇော်ရမည်ဟု ဆိုထား၏။ ပူဇော်ပြီးသော နတ်ပွဲကျများကိုမူ နတ်မယုံ သူများ၊ ဆွေမျိုးမ တော်သူများကို မကျွေးရဟုဆိုထား၏။ ဆွမ်းမလောင်းရဟုလည်း ဆိုထားသေး၏။ နတ်မယုံသူတို့က ဤနတ်တို့သည် စင်စစ်မရှိကြ ဘုရင်နှင့်ပြည်သူတို့၏ လုပ်ကြံနတ်များ သာဖြစ်ကြောင်း ဘုရင်နှင့်ပြည်သူတို့သည် ယင်း ၃၇ မင်းတို့ကို အောက်ဖော်ပြပါ အကြောင်းများကြောင့် နတ်စာရင်းတွင် သွင်းခဲ့ကြသဖြင့် နတ်ဖြစ်လာကြဟန်တူသည်ဟု ယူဆကြ၏။ ၁။ သူတို့၏ ကြေကွဲဖွယ်၊ အံ့သြဖွယ် ရုတ်တရက် အုပ်အော်သောင်းနင်း သေဆုံးကြမှုတို့ကို အသနားပိုကာ အမှတ်တရ တသသဖြစ်နေကြရာမှ နတ်ဖြစ်သည်ဟု ဖြေသိမ့်ပြောဆိုရင်း နတ်စာရင်းဝင်ဖြစ်လာခဲ့ကြ၏။ ၂။ ပြည်သူတို့သည် ပဒေသရာဇ် ဧကရာဇ်တို့၏ မတရားသဖြင့် သတ်ဖြတ်ညှဉ်းဆဲကြသည့် အဖြစ်ကို တိုက်ရိုက်ပြန်ပြောခွင့်၊ မှတ်တမ်းတင်ခွင့် မရကြသဖြင့် ဘုရင်တို့၏ မတရားမှုကို နတ်သမိုင်း၊ နတ်ချင်းတို့မှ တဆင့် ကမ္ဘာတည်သရွေ့ သိစေလိုသဖြင့် နတ်ဖြစ်သည်ဟု လုပ်ဇာတ်ခင်းရာမှ နတ်စာရင်းဝင်ဖြစ်လာကြ၏။ ၃။ ဘုရင်တို့သည် ပြည်သူတို့ကို မိမိတို့ စိတ်လိုက်မာန်ပါ သတ်ဖြတ်ပြီးသောအခါ သေသူတို့၏ အသိုင်းအ၀ိုင်းက တုံ့ပြန်ပုံကန်တော်လှန်မည်ကို စိုးရိမ်ကြ၏။ ထို့ကြောင့် ယင်းလူတို့၏ အာရုံကို ပြောင်းလွှဲပေးရန်၎င်း၊ ယင်းလူတို့ တနည်းတဖုံ ကျေနပ်မှု ပြေပြစ်မှုရှိရန်၎င်း ရာဇပရိယာယ် သုံးကာ နတ်ဖြစ်သွားသည်ဟု လုပ်ကြံပြောဆိုရာမှ နတ်စာရင်းဝင်ဖြစ်လာခဲ့ကြ၏။ ၄။ လူတို့သည် ယင်းတို့၏ လူ့ဘ၀ကြီးကျယ်မှု စွမ်းဆောင်နိုင်မှုတို့ကို အားကျကာ သူတို့ သေပြီးနောက်ပိုင်းမှာလည်း သူတို့ကို ဆက်လက်အားကိုးသဖြင့် နတ်စာရင်းသွင်းခဲ့ကြ၏။ နတ်ယုံသူတို့ကမူ ဤနတ်တို့သည် ဧကန်အမှန်ရှိရုံသာမက ယင်းနတ်အချို့သည် မြန်မာ တို့နှင့်ကောင်းတူ ဆိုးဖက်များဖြစ်ကြသည်ဟု ဆို၏။ မြန်မာနိုင်ငံကို နိုင်ငံခြားစစ်တပ်များ ကျူးကျော် လာသောအခါ အချို့နတ်များ မြန်မာစစ်သားများနှင့် အတူတွဲ၍ စစ်တိုက်ကြောင်း၊ ဒုတိယကမ္ဘာစစ် (ဂျပန်ခေတ်) အတွင်း မန္တလေးမြို့ ဗုံးကြဲ၍ မီးလောင်စဉ်က ရွှေဖျင်းညီနောင်တို့သည် ပြည်သူတို့နှင့်အတူ မီးငြှိမ်းနေသည်ကို ယုံကြည်သူတို့မြင်ကြရ ကြောင်း၊ သီပေါမင်းပါတော်မူသောအခါ ၃၇ မင်းနတ်ရုပ်တို့ မျက်ရည်ကျကြောင်းဆိုကြ၏။ မြန်မာရာဇ၀င်တို့၌လည်း နတ်များသည် မြန်မာမင်းများနှင့်အဆက်အဆံ ရှိ ကြောင်း ဖော်ပြကြ၏။ အချို့သောပညာရှင်များကမူ မိရိုးဖလာ ၃၇ မင်းစသည်တို့သည် အမှန်တကယ်ရှိသော် လူတို့၏ ကောင်းကျိုး ဆိုးကျိုးကို ဖန်တီးနိုင်သလော၊ တွေ့ကြုံဖူးသည်ဆိုလျင် နတ်ကြောင့်ဟု ဧကန်ဆိုနိုင် သလော၊ တိုက်ဆိုင်မှုမျိုး မဖြစ်နိုင်သလော။ အဆင့်ဆင့် စိစစ်သင့်ကြောင်းဆိုကြ၏။ အမျိုးသားပညာဝန် ဦးဖိုးကျားကမူ “ နတ်ဖြစ်သည် ဆိုသူများ တကယ်ဖြစ် မဖြစ် မသိကြောင်း၊ ယုံကြည်သူများ၏ စိတ်ထဲမှာတော့ ရှိနေကြောင်း၊ နတ်ကယ်ဖြစ် သည်ထား သင်္ခါရနယ်သားများဖြစ်၍ ယခုရှိသေးပါ၏လော” ဟု ဝေဖန်သုံးသပ်ထား၏။ ယခု ဆိုခဲ့သော နတ်ဝါဒနှင်ပတ်သက်၍ သုံးသပ်ချက်ချပြရသော် ဗုဒ္ဓဘာသာပိဋကတ်တော်လာ နတ်များ၊ ၃၇ မင်းစသော ရိုးရာနတ်များနှင့် ယင်းတို့ကို ကိုးကွယ်နေသူတို့၏ အခြေအနေမှန်ကို ယထာဘူတကျကျ လေ့လာသုံးသပ်ရမည်ဖြစ်ပါသည်။ ပိဋကတ်တော်၌ နတ်များပါဝင်နေ၍ နတ်ဟူသော သတ္တ၀ါ တစ်မျိုးရှိကြောင်း လက်ခံရပေမည်။ သုိ့ရာတွင် ၃၇ မင်းစသော ရိုးရာနတ်များ သည် ကြောင်းကျိုးယုတ္တိယုတ္တာအားဖြင့် လွန်စွာ အားနည်းသည်ကို တွေ့ရ၏။ ရှေးလူများ ယဉ်ကျေးမှုမထွန်း ကားမီက သဘာဝတရားကို ကိုးကွယ်ခြင်းနှင့်ဆက် စပ်နေရကား အသိဉာဏ်နှင့်အတွေးအခေါ် ရင့်ကျက်သူအများစုက နတ်ပူဇော်မှုကို လက်မခံလိုကြပေ။ ထို့ကြောင့်ပင် ရှေးမင်းကောင်းမင်းမြတ်အချို့က နတ်ကိုးကွယ်မှုကို နှိပ်ကွပ်ခဲ့ကြခြင်းဖြစ်သည်။ သုိ့ရာတွင် အစွဲလန်းကြောင့်သော်၎င်း၊ အစဉ်လာကြောင့်သော်၎င်း၊ မသေချာသော်လည်း “အကယ်၍ ရှိခဲ့သော်” ဟူသော သံသယဖြင့် ကြောက်ရွံ့သောကြောင့်၎င်း၊ ဖြတ်လမ်းနည်းဖြင့် လျှင်မြန်စွာ ကြီးပွားချမ်းသာလိုသောကြောင့် ၎င်း နတ်ကိုးကွယ်မှုကို မစွန့်နိုင်ဘဲ ဖြစ်နေ ကြသည်ကို တွေ့ရ၏။ ဗုဒ္ဓဘာသာပညာရှင်အများစုက ကေသမုတ္တိသုတ်လာ “အစဉ်အဆက်ဖြစ်ကာမျှနှင့်လည်း မယူလင့်၊ ပိဋကတ် စာပေနှင့် ညီညွတ်ပေသည်ဟုလည်း အမှန်မယူလင့်ဦး” ဟူသော သြ၀ါဒအရ နတ်ကိုးကွယ်မှုအစဉ်အလာကို ဝေဘန်စိစစ်သင့်ကြောင်း ဖော်ပြကြ၏။ ကုသိုလ်ကောင်းမှုပြုသည့်အခါ၌ နတ်များအားလုံးကိုလည်း အမျှဝေသင့် သည်ဟု ဗုဒ္ဓမြတ်စွာညွှန်ကြားခဲ့သည်မှာ မှန်၏။ သို့ရာတွင် ယ္ခုကာလကိုးကွယ်နေကြသကဲ့သို့ နတ်များကို ကိုးကွယ်ရမည်ဟု ပိဋကတ်တော်၌ ဟောတော်မူချက် မရှိကြောင်းထောက်ပြကြ၏။ ရံခါ ပူဇော်ပသမှုကို ခွင့်ပြုသော်လည်း နတ်တိုင်းကို ပူဇော်သင့် မသင့် စဉ်းစားသင့်ကြောင်း၊ လူ့လောကတွင် လူတိုင်းပင် ပူဇော်ထိုင်သည်မဟုတ်၊ လူအချို့သာ ပူဇော်ခံထိုက်၏။ ထို့အတူ နတ်များတွင်လည်း ဤသဘောမျိုးသာ ရှိကြမည်ဖြစ်ကြောင်းဝေဘန်ကြ၏။ ဘာမဆို ကံကိုယုံပြီးပုံထားသူများကဲ့သို့ နတ်ကိုယုံပြီးပုံ၊ ပုံလှူမျိုးမပြု ထိုက်ကြောင်း၊ နတ်ရူး​ရူးသည်ဟုဆိုရလောက်အောင် လွန်လွန်ကဲကဲဖြစ်မှုမျိုးကား လိုလားအပ်သော ကိစ္စ မဟုတ်ကြောင်း၊ အချို့သောသူတို့သည် ဘုရားကို ဆွမ်းတော်တင်ရန် သတိမရ။ နတ်ပွဲကိုမူကား မနွမ်းရအောင် တယုတယပြုလေ့ရှိကြကြောင်း ဝေဘန်သုံးသပ်ကြ၏။ မာန်လည်ဆရာတော်၊ ရှင်မဟာသီလ၀ံသ၊ ရှင်မဟာရဋ္ဌသာရတို့ကလည်း နတ်ကိုးကွယ်မှု ကို ပြင်းပြင်း ထန်ထန်ဝေဘန်ထားကြ၏။ နတ်ကြောင့် ဘေးအန္တရာယ်ကင်းခြင်းမရှိဘူးပုံ၊ နတ်ကကိုယ်တိုင် လာ၍ ဥစ္စာ ပေးခြင်းမရှိဘူးပုံတို့ကို၎င်း၊ ကံကြောင့်ရလာသည့် လူ့ဘ၀ကြီးကို အလှူပေးခြင်း၊ သီလဆောက် တည်ခြင်း စသော ကံသစ်များဖြင့် မကူဘဲ နတ်ပွဲများကျင်းပ၍ နတ်ကိုအားကိုနေကြခြင်းမှာ ရယ်ဖွယ်ရှက် ဖွယ်ကောင်း ကြောင်း။ ယင်းတို့ ရေးသားထားသော သံဝေဂခန်းပျို့၊ ဘူရိဒတ်ဇာတ်ပေါင်းပျို့ တို့၌ ဖော်ပြထားကြ၏။ ယ္ခုခေတ်၌လည်း နတ်ပွဲများကို နေ့ရှည်ရက်များကျင်းပကာ မူးယစ်သောက်စားပျော်ပါးခြင်း၊ တီးမှုတ် ကခုံ ဟစ်အော်ဆူညံခြင်း၊ ဦးမင်းကျော်၊ အမေဂျမ်းစသည်တို့ကဲ့သို့ ရိုင်းပြစွာပြုမူပြောဆိုကြခြင်း၊ ကြီးပွားချမ်းသာ အောင် မစပါမည့်အကြောင်း ပူဇော်ပသခယတောင်းပန်ခြင်း စသည်တို့ကို ဘာသာရေးသ ဖွယ်ပြုလုပ်နေကြသည်မှာ ဗုဒ္ဓဘာသာ၏ ဂုဏ်သိက္ခာနှင့် မြန်မာလူမျိုးတို့၏ ဆင်ခြင်တုံတရားအပေါ် အမည်း စက်ကြီးဖြစ်နေ ပေသည်။ နတ်နှင့်လူဆက်ဆံရေးသည် ပုဂ္ဂိုလ်သတ္တ၀ါအချင်းချင်း တဦးနှင့်တဦး အပြန် အလှန်အသိမှတ်ပြုကာ လေးလေးစားစားဆက်ဆံသည့်သဘောမျိုးသာဖြစ်သင့်ပေသည်။ ထို့ထက်ပို၍ ကယ်တင်ရှင်၊ ကျေးဇူးရှင်၊ တန်ခိုးရှင်ဟူ၍ ကိုးကွယ်ပသမှု မပြုသင့်ပေ။ ပုဂ္ဂိုလ်သတ္တ၀ါအချင်းချင်း ဆက်ဆံသကဲ့သို့ ဟူရာ၌လည်း နတ်နှင့် ဆက်ဆံရေးသည် လူအချင်းချင်း ဆက်ဆံရေးကဲ့သို့ မသေချာ မေ၇ရာသည်ကိုလည်း သတိပြုရမည်ဖြစ်၏။ လက်တွေ့အကျိုးကျေးဇူးပိုင်းအနေဖြင့်မူ လုံးဝယုံကြည်အားထား၍ မရလောက်အောင် ဒိဋ္ဌဓမ္မသဘောလွန်စွာ နည်းပါးနေသည်ကိုလည်း တွေ့နိုင်၏။ မည်သို့ပင်ဖြစ်စေ “ဗုဒ္ဓေါ မေ သရဏံ အညံ နတ္ထိ၊ ဓမ္မော မေ သရဏံ အညံ နတ္ထိ၊ သံဃော မေ သရဏံ အညံ နတ္ထိ” ဟု ခံယူထားကြသော ဗုဒ္ဓဘာသာဝင်များအဖို့ ရတနာသုံးပါးမှတပါး အခြားသောကိုးကွယ်ရာကို မရှာ သင့်ကြပေ။
 form http://dhammalwinpyin.blogspot.com/2011/06/blog-post_16.html

တမန်တော်မြတ် မိုဟမ္မဒ်၏ သမိုင်းအကျဉ်းချုံ့

တမန်တော်မြတ် မိုဟမ္မဒ်၏ သမိုင်းအကျဉ်းချုံ့

တမန်တော် မုဟမ္မဒ် (ဆွ)သည် မြန်မာမွတ်စလင်များအတွက် ကမ္ဘာတည်သရွေ့ လိုက်နာရမည်ဖြစ်သော အစ္စလာမ့်လူမှု စနစ် ကြီး ကိုကျမ်းတော်မြတ် ကုရ်အာန် ဖြင့် လက်တွေ့ ပြသသွားခဲ့သည်။ ဤစနစ်ကို တမန်တော်မြတ် ကွယ်လွန်ပြီး နောက် ခွလ်ဖာအေရာရှီဒိင်း တို့ခေတ် (အေဒီ ၆၃၂-၆၆၁) တွင် လက်တွေ့အကောင်အထည်ဖေါ် ဆောင်ခဲ့ရာ ယနေ့ အထိ ရှင်သန်လျက်ရှိသော အစ္စလာမ့် လူမှု အဖွဲ့အစည်းကို ကမ္ဘာ အ၀ှမ်း တွင်ဖေါ်ဆောင်ပြသနိုင်ခဲ့သည်။ ယင်းစနစ် သည် အာဏာစက် ဓမ္မသတ် ၏ အရှိန် အ၀ါဖြင့် ပြဌာန်းခြင်းမဟုတ်ပဲ သက္က၀ါ အလ္လဟ်အရှင်မြတ် အားချစ်ကြောက် သိစိတ်ဖြင့် အကောင်အ ထည်ဖေါ် ဆောင် ခဲ့ခြင်းဖြစ်သည်။ မြတ် တမန်၏ သမိုင်း ကြောင်းကို အလွယ်တကူ မှတ်သားနိုင်ရန် ခုနှစ်အလိုက် တင်ပြလိုက်ရပါသည်။ အေဒီ ၅၇၁ - တမန်တော်မြတ် မုဟမ္မဒ် (ဆွ) သည် ခရစ်သက္ကရာဇ် ၅၇၁ ခုနှစ်ဧပြီလ ၂၂ရက်၊နံနက် အာရုဏ်ဦး အချိန်တွင် မီးရှုး သန့်စင် ဖွားမြင်သည်။ ဖခင်ဖြစ်သူ အဗ်ဒုလ္လဟ် သည် တမန်တော်မြတ် ဖွားမီ အလျင်က ဆီးရီးယားနိုင်ငံ သို့ ကုန်ကူးသန်းရန် အသွား၊ မဒီနာ မြို့တွင် ကွယ်လွန်ခဲ့သည်။ အေဒီ ၅၇၄ - မိခင်ဖြစ်သူ အာမိနဟ် သခင်မသည် တမန်တော်မြတ် မွေးဖွားပြီး ၄နှစ် အရွယ်တွင်ကွယ်လွန်ခဲ့ပြန်သည်။ မိဘမရှိသည့် နောက်အဖိုးဖြစ်သူ အဗ်ဒုလ် မုသွာလိဗ်က ထိန်းသိမ်းစောင့်ရှောက် ခဲ့သည်။ မိဘမဲ့ဖြစ်သူ မုဟမ္မဒ် လေးသည် ကိုယ်ထူကိုယ်ထ မိမိဘ၀ကို ရပ်တည်နိုင်ခဲ့သည်။ မည်သူ့ကိုမျှ ၀န်ထုပ်ဝန်ပိုး မဖြစ်စေခဲ့ပေ။ ဖြတ်လက်သွက်လက်သော မုဟမ္မဒ် ကလေးကို အားလုံးက လိုလိုလားလားရှိခဲ့သည်။ အရှက်ကြီးသည်၊ သစ္စာတရားကြီးသည်၊ တာဝန်ကိုကျေပွန်သည်၊ အလဟဿ စကားနှင့် အကျိုးမဲ့လုပ်ရပ်များကို ငယ်စဉ်က တည်းက ရှောင်ခဲ့သည်။ အေဒီ ၅၇၉ - ၈နှစ် ၂လ အရွယ်တွင် အဖိုးဖြစ်သူ အဗ်ဒုလ် မုသွာလိဘ် ကွယ်လွန်၍ ဘကြီးတော် အဗူမုသွာလိဗ် နှင့်အတူ နေထိုင်ခဲ့သည်။ ကုန်ကူးသန်းရင်း ၁၂နှစ်သား အရွယ်တွင် ဘကြီးနှင့်အတူ ဆီးရီးယား နိုင်ငံဘက်သို့ ရောက်ရှိခဲ့သည်။ ဤသို့အားဖြင့် ဒေသန္တရ ဗဟုသုတ ရှာကြံနိုင်ခဲ့သည်။ အေဒီ – ၅၈၆ ၁ ၅နှစ်သား အရွယ်တွင် ဖြစ်ပျက်ခဲ့သော ဖေဂျာရ်စစ်ပွဲတါင် ကိုယ်တိုင်ကိုယ်ကျ ဒေသခံတို့နှင့်အတူ ပါဝင်ခဲ့သည်။ ဟလ်ဖိဖူဇူလ် လူမှုဝန်ထမ်း အဖွဲ့အစည်းတါင် ပါဝင်ဆောင်ရွက်ခဲ့သည်။ အေဒီ – ၅၉၄ ၂၃နှစ်သား အရွယ်တွင်ဆီးရီးယား သို့ ကုန်သည်အဖြစ်အမှုထမ်း ကာသွားရောက်ခဲ့၏။ အေဒီ – ၅၉၆ သက်တော် ၂၅နှစ် အရွယ်တွင် ခတီဂျာသခင်မ နှင့် ထိမ်းမြားခဲ့သည်။ သူမသည် မုဆိုးမ တစ်ဦးဖြစ်ပြီး တမန်တော်မြတ်နှင့်အတူ အစ္စလာမ့်လှုပ်ရှားမှုကာလတွင် ကွယ်လွန်ချိန်အထိ ရွပ်ရွပ်ချွံချွံ ပါဝင်လှုပ်ရှားခဲ့သော အိမ်ထောင်ရှင် မ စံပြအမျိုးသမီး ဖြစ်သည်။ သား ၂ဦး၊ သမီး ၄ဦးထွန်းကားခဲ့သည်။ အေဒီ – ၆၀၉ စီးပွားရေး အခြေအနေတိုးတက် လာခဲ့၍ အားလပ်ချိန်တွင် သစ္စာတရားကို ရှာဖွေရေးအတွက် ဟီရာလှိုဏ်ဂူ တွင်တရားအားထုတ်ခဲ့သည်။ အေဒီ – ၆၀၉ သက်တော်လေးဆယ်အရွယ် တွင်အလ္လဟ် အရှင်မြတ်ထံတော်မှ ကျမ်းမြတ်ကုရ်အာန် ၀ဟီထုတ်ပြန်ချက် ကျရောက်လာပြီးနဗူဝသ် တာဝန်ကိုထမ်းဆောင်ခဲ့သည်။ ဇနီးဖြစ်သူ ခတီဂျာဟ် သခင်မ ၊သူငယ်ချင်းဖြစ်သူ အဗူဘကရ် (ရသွေ့) နှင့်သားရင်ပမာ ဖြစ်သူ ညီငယ်အလီ (ရသွေ့) တို့က အစ္စလာမ်ကို စတင်လက်ခံလာခဲ့သည်။ သုံးနှစ်တိတိ အစ္စလာမ်ဒေသနာ တော်ကိုလျှို့ဝှက်စွာ ဟောပြောဖိတ်ခေါ်ခဲ့ရာ ပညာတက်များ သစ္စတရားကိုရှာဖွေလိုသူ များ ၊ဆင်းရဲသား လူတန်းစားနှင့်သူကြွယ် အချို့အစ္စလာမ်ကို လက်ခံခဲ့ကြသည်။ ယင်းသူတို့အတွက် ဆွဖာတောင်တန်းတွင် လျှို့ဝှက် ဌာန ဖွင့်လှစ်ထားခဲ့သည်။ အေဒီ – ၆၁၃ အစ္စလာမ်ဒေသနာ တော်ကို ဆွဖာတောင် ထိပ်ပေါ်သို့ တက်ကာ အတိအလင်းကြေညာခဲ့ရာတွင် ပြက်ရယ် ပြုခြင်းကို ခံခဲ့ရသည်။ အေဒီ – ၆၁၄ ကုရိုက်ရှ် တို့သည် တမန်တော်မြတ် ဘကြီးဖြစ်သူ အဗူသွလိဘ် အားအမျိုးမျိုး သော ဖိအားပေးကာ တူဖြစ်သူအား အစ္စလာမ်တရားတော်ကိုမပို့ချရန် တွန်းအားပေးခဲ့သည်။ နဗူဝသ် ၏ တတိယနှစ်မှ ပဉ္စမ နှစ် အထိပတ်ဝန်းကျင်ရှိ အမျိုးအနွယ်များ၏ ဆန့်ကျင်မှု ကိုခံရပြီး ပဉ္စမနှစ် မှ စ၍ ပြင်းထန်သော ဖိနှိပ်ညှင်းပန်း မှုကို ဆက်လက်ခံရပြန်သည်။ ယင်းဒဏ်ကိုမခံနိုင်၍ တမန်တော်မြတ်သည် မွတ်စလင်တို့အား ပင်လယ်နီကိုကျော်ဖြတ်၍ အာဖရိကတိုက်ရှိ အီသီယိုပီးယား နိုင်ငံသို့ ဟစ်ဂျရသ် ပြုစေခဲ့သည်။ ကာဖိရ်တို့ သည် ဤ ဝေးလံသော ဒေသအထိ သွားရောက် ဒုက္ခပေးခဲ့ပြန်သည်။ ဤသို့အားဖြင့် အစ္စလာမ်သာသနာသည် မဒိနာမြို့သို့ မရောက်ခင်အလျင် အာဖရိကတိုက်သို့ ရောက်ရှိခဲ့ခြင်းဖြစ်သည်။ အေဒီ – ၆၁၅ ဆဌမနှစ်တွင် အုမရ် သခင် နှင် ဟမ်ဇာသခင်တို့ အစ္စလာမ်ကိုလက်ခံလာ၍ မွတ်စလင်တို့အားတက်ခဲ့သည်။ အစ္စလာမ်ကို လက်ခံသူတို့ တစ်စတစ် စ များပြာလာ၍ မက္ကသားတို့သည် မွတ်စလင်တို့အား သတ္တမနှစ်မှ ဒဿမနှစ်အထိ မက္ကာမြို့ပြင်ဘက်ရှိ ဗါဗေအဘုသွာလိဘ် အရပ် ၌ အကျယ်ချုပ်ဖြင့် အပယ်ခံဘ၀တွင် နေထိုင်စေခဲ့သည်။ ဤကာလ တွင်ဘကြီးဖြစ်သူ အဗူသွာလိဘ် ကွယ်လွန်ပြီး နှစ်လအကြာတွင် ဇနီးဖြစ်သူ ခတီဂျာ သခင်မ ကွယ်လွန် ပြန်သည်။ အေဒီ – ၆၁၉ ဒဿမ မြောက်နှစ်တွင် တမန်တော်မြတ်သည် သွာအိဖ်မြို့သို့ အစ္စလာမ်သာသနာ တော်ကိုဟောကြားရန် သွားရောက်ခဲ့ရာဝိုင်း၍ ခဲပေါက်ခြင်းကိုခံခဲ့ရသည်။ သွေးမြေကျခဲ့ရ၏ ။ သွာအိဖ် မှ အပြန်တွင် မေ့အ်ရာဂ်ျ ခရီးစဉ်သို့ သွားခဲ့ရ၍ ခရီးစဉ်မှ အပြန် လူသားတို့အတွက် လမ်းညွှန်ချက်တရား ၁၄ ချက် (ကျမ်းမြတ်ကုရ်အာန် စူရဟ် ဗနီ အစ္စရာအီလ်)ကိုယူဆောင်လာခဲ့သည်။ ယင်းနှစ်တွင် မဒိနာမြို့သား တို့ အစ္စလာမ်ကို လက်ခံလာသည့် အပြင် တမန်တော်မြတ်နှင့် မွတ်စလင်တို့အား မဒိနာ မြို့သို့ လာရောက်ရန် ဖိတ်ခေါ် ခဲ့သည်။ ယင်းသည် အစ္စလာမ်သမိုင်း အလှည့်အပြောင်း ကိုဖြစ်စေခဲ့သော ဗိုင်အသ် အက္ကဗါအဖြစ် ထင်ရှားလှ၏ ။ မဒီနာမြို့သား တို့သည် ဒုတိယအကြိမ် လာရောက်အပြီးတွင် မက္ကာမြို့ရှိ မွတ်စလင်တို့သည် တဖွဲဖွဲ မဒိနာမြို့သို့ ထွက်ခွာ သွားတော့သည်။ မဒိနာဟ် ခေတ်ကာလ အေဒီ- ၆၂၂ တမန်တော်မြတ် ဟစ်ဂျရသ် ပြု၍ မဒိနာမြို့သို့ ထွက်ခွာခဲ့သည်။ ဤသို့ ဟစ်ဂျရသ် ပြုခြင်းကို အကြောင်းပြုကာ ယင်းကာလစတင်၍ မွတ်စလင် တို့၏ ပြက္ခဒိန် နှစ်ကို ရေတွက်ခဲ့ခြင်းဖြစ်သည်။ မွတ်စလင်တို့ ၏ ခုနှစ် သက္ကရာဇ် ရေတွက်မှုကို ဟစ်ဂျရီဟု ခေါ်သည်။ ဖေါ်ပြပါ မဒီနာမတိုင်မီ ခေတ်ကာ ကို မက္ကာခေတ် ဟု ခေါ်သည်။ ယင်းကာလတွင် ကျမ်းတော်မြတ်ကုရ်အာန် ၏ စုရဟ် ၉၃ စုရဟ် ကျရောက်ခဲ့သည်။ ယင်းစူရဟ်များသည် များသောအားဖြင့် သောင်ဟိဒ် သဘောတရား နှင့် ရှေးတမန်တော် များ၏အကြောင်းဖြစ်သည်။ ဖေါ်ပြခံခဲ့ရသော သူတို့ကား “ အို…လူသားတို့ ” “အို ..ကာဖိရ် အပေါ်င်းတို့ ” ကဲ့သို သော အာယသ်များ ဖြစ်သည်။ လမ်းခရီး၌ ကူဗာအရပ်တွင် ပထမဆုံး ၀တ်ကျောင်းတော် တည်ဆောက်ပြီး ပထမဆုံး ဂျုမုဒဟ် ဆွလဟ် ကိုဝတ်ပြုခဲ့သည်။ ကူဗာတွင် ၁၄ရက်မျှ နေထိုင်ခဲ့သည်။ တမန်တော်မြတ် ၀တ် ကျောင်းတော် ကိုမဒိနာ မြို့တွင် တမန်တော်မြတ်အပါအ၀င် မွတ်စလင်အားလုံး ပါဝင်တည်ဆောက်ခဲ့သည်။ မက္ကဟ် မြို့မှ လာရောက်သူများနှင့် မဒီနာ မြို့မှ အန်ဆွာရီ တို့ကို ပူးပေါင်းပြီး မ၀ါခါသ် ဟု ခေါ်သည့် ညီနောင် ဖွဲ့ပေးခဲ့သည်။ မဒိနာမြို့ကို ဗဟိုပြု၍ အစ္စလာမ့် လူ့အဖွဲ့အစည်းကို တည်ဆောက်သည်။ မဒီနာသားတို့သည် လယ်ယာလုပ်ငန်း ကို ကျွမ်းကျင်ပြီး မက္ကာသား တို့က ကုန်သွယ်ရေး လုပ်ငန်းကို ကျွမ်းကျင်ကြသည် ဖြစ်၍ မဒီနာမြို့ သည် စီးပွားရေးဗဟို အဖြစ်သို့ ရောက်ရှိသွားတော့သည်။ မဒီနာခေတ်တွင်ကျရောက်လာသော ဒေသနာ လမ်းညွန်ချက်များ မှာ “အို အီမာန်သက်ဝင်ယုံကြည်သူအပေါင်းတို့ ” ဟူ၍ ဦးတည် ချပေးချက်များဖြစ်သည်။ ဟီဂျရီ ပထမနှစ်တွင် ကာကွယ်ရေးအစီအစဉ် ကို ချမှတ်နိုင်ခဲ့သည်။ ယင်းနောက်ပိုင်း တွင် ကျရောက်သော ကုရ်အာန်ကျမ်း ကို လမ်းညွန်ချက် အရ မဒီနာခေတ်တွင် ကျရောက်သည် ဟု ဖေါ်ပြသည်။ မဒီနာမြိုကရှိခေါင်းဆောင်နှစ်ဦးဖြစ်သူ ယဟူဒီ လူမျိုး အဗ်ဒုလ္လဟ် ဗင် ဆလာမ် နှင့် ခရစ်ယာန် ဘုန်ကြီး အဗူကိုင်စ် တို့ အစ္စလာမ်လက်ခံခဲ့ကြသည်။ ထိုမျှ မက အာရဘ်ဒေသ ခေါင်းဆောင်များလည်း အစ္စလာမ့်ရေးရာနှင့်စပ်လျဉ်းပြီး စိတ်ဝင်စားလာခဲ့ကြသည်။ အေဒီ -၆၂၃(ဟီဂျရီ ၂ ခုနှစ်) မွတ်စလင်တို့အား ညှဉ်းပန်းနှိပ်စက်သော ရန်ပြုသူကို ပြန်လည်ခုခံတွန်းလှန်ခွင့်အမိန့် ဂျီဟဒ် ကျရောက်လာခဲ့၍ ရန်သူတို့အား ခုခံပိုင်ခွင် ရှိလာတော့သည်။ မဒီနာ ၀န်းကျင်ရှိ လူမျိုးများ အုပ်စုများနှင့် တစ်ဦးကို တစ်ဦး လေးစားရေး မကျုးကျော်ရေး စာချုပ်ကို ချုပ်ဆိုနိုင်ခဲ့သည်။ ဇကားသ်အမိန့် ၊ ဆွီယာမ် ဥပုသ် သီလ အမိန့် ကျရောက်ခဲ့သည်။ ကအ်ဗာ သိုမျက်နှာမူ၍ ဆွလာဟ် ၀တ်ပြုမှု မိန့်  ၊အိဒ်ဂါ တွင် အီဒွလ်ဖိသ်သိရ် ဆွလာသ်ကို အစုအဝေးဖြင့် ပြုခြင်း၊ ပါရှန်း လူမျိုး ဆဲလ်မာန် ဖရ်စီ အစ္စလာမ့် ဘောင်အတွင် ၀င်ရောက်ခဲ့ခြင်း ၊ များ ရှိခဲ့သည်။ ဟီဂျရီ ၂ ခုနှစ်တွင် ကမ္ဘာ့သမိုင်းတွင် အရေးပါလှသော ဗဒရ်စစ်ပွဲ ဖြစ်ပွား၍ အရေအတွက် ၃၁၃ ရှိသော မွတ်စလင်တို့ အောင်ပွဲခံခဲ့သည်။ ဤနှစ်တွင် အလီသခင် နှင့် သမီးတော် ဖာသွီ မာဟ် သခင်မတို့ကို လက်ထက်ပေးခဲ့သည်။ အေဒီ – ၆၂၄ (ဟစ်ဂျရီ ၃ခုနှစ်) မူးယစ်စေသော သေရည်သေစာများကို ပိတ်ပင်သည့် အမိန့်ကျရောက်ခဲ့သည်။ ဤနှစ်တွင် ရမဒွာန် လတွင် တမန်တော်မြတ်မြေးတော် အီမာမ်ဟဆန် မွေးဖွားခဲ့သည်။ အုဟူဒ်စစ်ပွဲလည်း ဤ နှစ်တွင် ပင်ဖြစ်ပွားခဲ့သည် ။ တမန်တော်မြတ် အမိန့််မနာခံမှုကြောင့် အောင်ပွဲခံရဆဲ တွင် အထိနာ၍ မွတ်စလင် တို့ အလူးအလဲ ခံလိုက်ရသည်။ အတိုးစားခြင်း ကိုပိတ်ပင်သည့် အမိန့် ၊ မိဘနှင့်စပ်လျဉ်းသော အမိန့် ၊ အမွေ ခွဲဝေပေး သော အမိန့် ၊ ဇနီးမယားနှင့် စပ်လျဉ်းသော အမိန့် ၊ စသော အမိန့်များ ကျရောက်လာခဲ့သည်။ အေဒီ - ၆၂၅ (ဟစ်ဂျရီ ၄ခုနှစ်) ရှအ်ဗန်လတွင် မြေတော် အီမာမ် ဟူစိန်အားမွေးဖွားခဲ့သည်။ မွတ်စလင်အမျိုးသမီးများခန္ဒာကိုယ်လုံခြုံစွာဝတ်ဆင်ရန် အမိန်ကျရောက်လာခဲ့သည်။ အာရဗ်တို့သည် ရာသီဥတု အခြေအနေအရ ဦးခေါင်းလုံခြုံစွာဖုံးအုပ်ထားသော်လည်း အာရဗ်အမျိုးသမီး တို့သည် ခန္ဒာကိုယ် လုံးခြုံခြင်းမရှိခဲပေ။ သို့ဖြစ်၍ မဒိနာမြို့တွင် မုနာဖိက် နှင့် ကာဖရ်တို့က အမျိုးသမီးများကို လှောင်ပြောင်ရာ အလ္လဟ်အရှင်မြတ်က မွတ်စလင် အမျိုးသမီးများသည် အခြာသူများနှင့် မတူ ခန္ဒာကိုယ် ကိုလည်းလုံခြုံစွာ ဖုံးအုပ်ရန် အမိန့်တော်ကျရောက်လာခဲ့သည်။ မူလခြုံထည်ကို ရင်သားအား ဖုံးအုပ်ကာပတ် ၍ လွှဲချထားရမည် ဖြစ်သည်။ အရက် သေစာ ကိုလုံးဝ ပိတ်ပင်သော အမိန့်ရောက်ရှိလာသည်။ ဗနုနဆီရ် အုပ်စုဝင်များ နှင့်စစ်ပွဲဖြစ်ပွားခဲ့သည်။ အေဒီ – ၆၂၆ ( ဟစ်ဂျရီ ၅ ခု ) ခန်ဒက်စစ်ပွဲ အပါအ၀င် စစ်ပွဲများကို ဆင်နွဲရသည်။ တမန်တော်မြတ်သည် မဒီနာမြို့ တွင်ရှိစဉ်ကာလ ရက်ပေါင်း ၇၃၁ ရက်ကို ခုခံကာကွယ်ေ၇း ၂၇ခု တွင် ကုန်ဆုံးခဲ့သည်။ တနည်း အားဖြင့် တမန်တော်မြတ်၏ မဒိနာမြို့ရှိ ငါးပုံတစ်ပုံကာလသည် ခုခံရေးတွင် ကုန်ဆုံးခဲ့ရသည်။ ထိုမျှမက အကြိမ် ပေါင်း ၅၀ကျော် ဒေသအသီးသီးတို့ အစ္စလာမ်ဒေသနာ တော် ပို့ချရန် သွားရောက်ခဲ့သည်။ ဤ ဟစ်ဂျရီ ၅ခုနှစ် တွင် ဒေါက်ရ် အုပ်စု ၀င်များ ၊အလုံးအရင်း ဖြင့် အစ္စလာမ် ကို လက်ခံလာခဲ့သည်။ အေဒီ – ၆၂၇ (ဟစ်ဂျရီ ၆ ) မက္ကာဟ်သား တို့နှင့် ဟူဒိုင်ဘီယာ စာချုပ် ချုပ်ဆိုခဲ့သည်။ ဤနှစ်တွင် အာရဘ် သူရဲကောင်း ခါလီဒ် ဘင်ဝလိဒ် နှင့် အမရ် ဗင် အာဆ် တို့ အစ္စလာမ်ကို လက်ခံလာခဲ့သည်။ ဟုဒိုင်ဘီယာ စာချုပ်ပါ အချက်များကို ဆွဟာဗဟ် နောက်လိုက်များက မကြိုက် မနှစ်သက်သော်လည်း တမန်တော်မြတ် ၏ ငြိမ်းချမ်းရေး အတွက် ကြိုးပမ်းချက် ရလာဒ်ကို အသီးအပွင့် များဖြစ်ထွန်းခဲ့သည်။ စာချုပ်ချုပ်ဆိုပြီး မက္ကာဟ်ဒေသတွင် အစ္စလာမ်ကို လက်ခံသူ များပိုမိုများပြားလာခဲ့သည်။ အေဒီ – ၆၂၈ (ဟစ်ဂျရီ ၇ ) ဟစ်ဂျရီ ရခုနှစ်တွင် နိုင်ငံတကာခေါင်းဆောင် များ အကြီးအကဲများထံ သို့အစ္စလာမ့်သ၀ဏ်လွှာများ ပေးပို့နိုင်ခဲ့သည်။ ဤနှစ်တွင် ခိုင်ဗရ်စစ်ပွဲဖြစ်ပွားခဲ့သည် ။ ခိုင်ဗ၇် အောင်ပွဲ ကာလတွင် အီသီယိုပီးယား မှ မွတ်စလင်များပြန်လည်ရောက်ရှိခဲ့သည်။ ဟုဒိုင်ဗီယာ စာချုပ်အရ မက္ကာမြို့မှ မဒီနာမြို့သို့ လာရောက်ခွင့်မရှိသော မွတ်စလင်တို့ သည် ကြားစခန်းတွင် သီးခြားရပ်တည် ၍ ပျောက်ကျား စစ်ရေး ဆင်နွဲခဲ့သည်။ ဤနှစ်တွင် မွတ်စလင် တို့ အွမ္မရဟ်ပြုရန် သွားရောက်ခဲ့သည်။ ကွာရှင်းခြင်း။ထိမ်းမြားခြင်း အမိန့်များ ၊ လမ်းညွန်များကျရောက်လာခဲ့သည်။ အေဒီ – ၆၂၉ – ၆၃၀ (ဟစ်ဂျရီ ၈) မက္ကာသို့ ချီတက်ကာအောင်ပွဲခံရရာတွင် သွေးမကျပဲ တမန်တော်မြတ် စီစဉ်ပေးနိုင်ခဲ့သည်။ မက္ကာဟ်မြို့ရှိ မတရားသိမ်းပိုက်ခံထားရသော အိုးအိမ်ပစ္စည်းများအတွက် လက်စားချေခြင်း ကို မပြုခဲ့ပေ။ ကအ်ဗဟ် ကျောင်းတော် ၏ သော့ကို ပင် မူလ ဂေါပက လက်တွင် ပြန်လည်ပေးအပ်ခဲ့သည်။ ဤနှစ်တွင် အလုံးအရင်းနှင့် အစ္စလာမ်ကိုလက်ခံလာခြင်း၊ ကအ်ဗဟ် ၀တ်ကျောင်းကို သန့်စင်စေခြင်း၊ အတိတ်ကာလ ဓလေ့ဆိုးများကို ဖယ်ရှားပစ်ခဲ့သည်။ ဤနှစ်တွင် ဟုနိုင်န် စစ်ပွဲ လည်းဖြစ်ပွားခဲ့သည်။ အေဒီ – ၆၃၀-၆၃၁ (ဟစ်ဂျရီ ၉) ဟစ်ဂျရီ ၈ ခုနှစ်တွင် အာ၇ဘ်ခေါင်ဆောင်များ နှင့် လူအများအပြား အစ္စလာမ်ကို လက်ခံလာခြင်း၊ မဒိနာမြို့သို့ ကိုယ်စားလှယ်မျာား မပြတ်လာရောက်နေခြင်း၊ အဘူဘက္ကရ် သခင်ကြီးကို ဦးဆောင်စေ၍ တမန်တော်မြတ် ပထမဆုံးဟဂ်ျ ပြုစေခဲ့သည်။ အေဒီ – ၆၃၁ (ဟစ်ဂျရီ ၁၀) သဗူးက်စစ်ပွဲဖြစ်ပွားခဲ့သည်။ ဤနှစ်ရမဒွာန် လ ဆွီယာမ် ဥပုသ်ဆောက်တည် ခြင်းသည် တမန်တော်မြတ် အတွက် နောက်ဆုံးဖြစ်ခဲ့သည်။ တမန်တော်မြတ် ၏ နောက်ဆုံး မိန့်ခွန်းတော် ကို လူသား တစ်သိန်းကျော် ရှေ့မှောက်တွင်ဟောကြားခြင်းဖြင့် ကမ္ဘာ့လူသား တို့အတွက် လူ့အခွင့်အရေးဆိုင်ရာ ပဋိဉာဉ်ကြီးကို ကြေညာခဲ့သည်။ အေဒီ – ၆၃၂ (ဟစ်ဂျရီ ၁၁) ဟစ်ဂျရီ ၁၁ခုနှစ် ဆွဖရ် လမှစ၍ တမန်တော် မြတ်နေထိုင် မကောင်းဖြစ်ခဲ့သည်။ ရဗီအောင်ဝလ် လ ၁၂ရက်နေ့ တွင် တမန်တော်မြတ် အလ္လဟ့် အမိန့်တော်ခံ ကွယ်လွန်ခဲ့သည်။ 

 ရေးသားတင်ပြသူ – ဂျာဝိဒ်သန်း 

မိုးစက်ဘလော့မှ ကူးယူဖော်ပြပါသည်။

Snaptubeဖြင့် You tubeမှ Video/mp3 downloadဆွဲနည်း။

Snaptubeဖြင့်  You tubeမှ Video/mp3 downloadဆွဲနည်း။

                                                      snaptube appထဲဝင်ပါ။

လိုချင်တဲ့ mp4/3ကို ပုံပါအတိုင်းရိုက်ရှာပါ ။

အထက်ပါအတိုင်းတွေ့ရပါလိမ့်မယ် ။ ဘေးကမြားကိုနှိပ်ပြီး လိုချင်တဲ့ mp4/3ကို downloadရယူနိုင်ပါပြီ ။ 

file sizeတွေကိုပြထားပါတယ် ရုပ်ထွက်ကောင်းရင် ကောင်းသလို file sizeကကြီးသွားပါမယ် ။ 

ကြိုတ်နှစ်သက်သလို downloadရယူနိုင်ပါပြီ ။ 

စိတ်ပြေလက်ပျောက် တင်ပြခြင်းဖြစ်ပါသည်။ 

                   ဇင်ထွန်းကျော် 

ဗမာ ဆိုသည်မှာ (တို့ဗမာ အစည်းအရုံး သမိုင်း စာအုပ်မှ)

ဗမာ ဆိုသည်မှာ ၁၉၃၀ပြည့်နှစ် မတိုင်မီ အထက်ကျော်ကာရီက “မြန်မာ” အများအပြားပင် မိမိတို့ကိုယ် မိမိတို့ “ဗမာ”ဟူ၍ ခေါ်ဝေါ်သုံးစွဲခဲ့ခြင်းမှအပ မည်သည့် သမိုင်းမှတ်တမ်းတွင်မျှ မရှိခဲ့ဘူးသော အမည်ဖြစ်သည်။

အချို့ပုဂ္ဂိုလ်များက လည်း အာဓကပ္ပ ကမ္ဘာဦးကျမ်းအရ လူသည် ဗြဟ္မာက ဆင်းသက်သည်ဟူသောအယူဖြင့် ဗြဟ္မာလူမျိုးဟုခေါ်ရာမှ ဗြဟ္မာကို သရ ချေပြီး ဗမာဟူ၍ ဖြစ်လာခဲ့ကြောင်း ပြောဆိုကြသည်။ ဤသည်မှာ ပါးစပ်ရာဇ၀င်မျှသာဖြစ်ပြီး သမိုင်းကြောင်းအရမူ ခိုင်မာသည့် သက်သေအထောက်အထားတခု မဟုတ်နိုင်ချေ။

မြန်မာဟူသော အမည်ကိုသာ စာလုံးပေါင်းသတ်ပုံ အမျိုးမျိုးဖြင့် လွန်ခဲ့သော နှစ် ပေါင်း ၉၀၀ခန့်က အစပြု၍ ကျောက်စာမင်စာတို့တွင် တွေ့လာခဲ့ရကြောင်း သိရှိရသည်။ ဗမာဟူ၍ မရှိ။

ရှင်းရှင်းဆိုရလျှင် ဗမာ သည် သခင်ဘသောင်း ဦးစီးတည်ထောင်ခဲ့သော တို့ဗမာအစည်းအရုံးသမိုင်း စာမျက်နှာ ၁၃၃နှင့် ၂၁၅တို့တွင် တို့ဗမာဟု အဘယ့်ကြောင့် သုံးနှုန်းရပုံ၊ ဗမာဟူသော အသုံးအနှုန်းနှင့် ပတ်သက်၍ ရှင်းလင်းချက်နှင့် ဗမာပြည်ဟူသော အခေါ်အဝေါ်အပေါ် တို့ဗမာ အစည်းအရုံးဝင် သခင်အများစု၏ သဘောထား စေတနာကို ဖော်ပြထားသည်။

တို့ဗမာအစည်းအရုံးသမိုင်းမှာ ဗမာနိုင်ငံ အနယ်နယ်အရပ်ရပ်မှ ရာနှင့်ချီသော တို့ဗမာအစည်းအရုံးဝင်များ ပါဝင်သည့် သမိုင်းပြုစုရေးအဖွဲ့က ကော်မတီဖွဲ့လျက် ၁၉၆၄ခု နှစ်မှ ၁၉၆၇ ခုနှစ်အထိ အချိန်ယူပြုစုခဲ့သော အားထားလောက်ဖွယ်ရာ သမိုင်းတစောင်ဖြစ်ရာ ထွက်ရှိပြီး လများမကြာမီမှာပင် မဆလ၏ ပိတ်ပင်ခြင်းခံခဲ့ရသည့် စာအုပ်ဖြစ်သည်။

အထက်ဖော်ပြပါ စာမျက်နှာတို့မှ စာပိုဒ်အချို့ကို မူရင်းစာလုံးပေါင်း သတ်ပုံ များအတိုင်း ဖော်ပြပါမည်။

“တို့ဗမာ အစည်းအရုံး”ဟူရာ၌ တို့ဗမာပြည်ထဲ၌ရှိသော လူမျိုးအားလုံးကို ကိုယ်စားပြုသည့် အဓိပ္ပါယ်ဖော်ဆောင်ခြင်း အထိမ်းအမှတ်အဖြစ် “တို့ဗမာ”ဟု ခေါ်ဝေါ်သုံးနှုန်းခြင်း ဖြစ်သည်။

မြန်မာဟူသောစကားမှာ မြန်မာ၊ မာသည် ဟူသော အဓိပါယ်ကို ဆောင် သော်လည်း နှာသံပါ၍ ဘောင်ကျဉ်းသည်။ အားနည်းသည်။

ရှမ်း၊ ကရင်၊ ချင်း၊ ကချင်၊ မွန်၊ ရခိုင်၊ ပလောင်၊ တောင်သူ၊ ဆလုံ၊ နာဂ၊ မြန်မာ စသော ဗမာတိုင်းရင်းသားအားလုံးကို ခြုံ၍ ငုံမိစေရန် “ဗမာ”ဟူသော စကားလုံးကို ရွေးသည်။

အသံထွက် မာကျော ၍ သုံးစွဲသည်။ တဖန် “ဘ”ကုန်းနှင့် “ဘမာ”ဟု မရေးဘဲ “ဗ”လချိုက်နှင့် ရေးခြင်းမှာလည်း “ဘ”သည် ရံဖန်ရံခါ “ဖ”သံထွက်သ ဖြင့် စိတ်မချရသောကြောင့် “ဗ”လချိုက်နှင့် “ဗမာ”ဟု ရေးသည်။ (တို့ဗမာအစည်းအရုံးသမိုင်း၊ ခေတ်သစ်လူငယ်တစုနှင့် တို့ဗမာ ၀ါဒအစ၊ စာ ၁၃၃) (ပုံ-၁))

တို့ဗမာအစည်းအရုံးသည် မူလ တည်ထောင်စဉ်မှစ၍ သမိုင်းတလျှောက်လုံး လူမျိုးစုအားလုံး၏ ညီညွတ်ရေးကို အလေးပေးခဲ့ ကြောင်း၊

“တို့” ဟူသောစကား၊ “ဗမာ” ဟူသောစကား၊ “ဗမာနိုင်ငံ၊ ဗမာပြည်” ဟူသောစကားတို့ကို တီထွင်၍ တိုင်းရင်းသားစစ် စစ်ဟူသော အမည်နာမ တပ်ဆင်ခဲ့ခြင်းဖြင့် သိသာထင်ရှားပေသည်။

သခင်များက မြန်မာနိုင်ငံ၊ မြန်မာပြည် ဆိုသောစကားမှာ မြန်မာလူမျိုးများ နေထိုင်သော မြန်မာနိုင်ငံဟုအဓိပ္ပါယ်ရောက်သည်။ မြန်မာနိုင်ငံဆိုသည်မှာ မြန်မာပဒေသရာဇ်များက ပေးသောနာမည် ဖြစ်သည်။ မမှန်ကန်။

ဗမာနိုင်ငံသည် မြန်မာလူမျိုးတမျိုးတည်း နေထိုင်သော နိုင်ငံမဟုတ်။ ကချင်၊ ကရင်၊ ကယား၊ ချင်း၊ တောင်သူ၊ ပအိုး၊ ပလောင်၊ မွန်၊ မြန်မာ၊ ရခိုင်၊ ရှမ်း စသော တိုင်းရင်း သားလူမျိုးပေါင်းစုံ နေထိုင်သောနိုင်ငံ ဖြစ်သည်။ ထို့ကြောင့် မြန်မာနိုင်ငံ မြန်မာပြည်ဟု မသုံး။ ဗမာနိုင်ငံ၊ ဗမာပြည်ဟု သုံးသည်။ သို့မှသာ ညီညွတ်မှန်ကန်မည်။

ဗမာနိုင်ငံတွင် နေထိုင်ကြသော တိုင်းရင်းသားအားလုံးကို ဗမာဟု ခေါ်သည်။ ထို့ကြောင့်ပင် တို့ဗမာ သီချင်းတွင် “တို့ဗမာ …၊ ဟေ့ … တို့ဗမာ၊ ဗမာပြည်တ၀ှမ်းအကုန် တို့အိမ်မှတ်ပါ။ တို့ယာမှတ်ပါ၊ အဲဒါ “တို့ဗမာ”ဟု ထည့် သွင်းသီဆိုခဲ့ကြသည်။

“မြစ်ကြီးနားမှ တို့ဗမာတယောက် အစော်ကားခံရလျှင် ယေး၊ မြိတ်၊ ထားဝယ်မှ တို့ဗမာများက ဆတ်ဆတ် ခါအောင် နာကြပါ”ဟု ဟောပြောခဲ့ကြသည်။ (တို့ဗမာအစည်းအရုံးသမိုင်း၊ လူမျိုးစုများ သွေးစည်းညီညွတ်ခြင်း၊ စာ ၂၁၅)(ပုံ-၂))

ထိုစာမျက်နှာတွင် အောက်ခြေမှတ်စုအဖြစ် မဆလ၏ ဇွတ်အတင်း မလိမ့်တပတ် လုပ်မှုကို အောက်ပါအတိုင်း ဖော်ပြထားသည်။

ဗမာ သို့မဟုတ် မြန်မာဟူသော အသုံးအနှုန်းအတွက် ပြည်ထောင်စုဆိုရှယ်လစ်သမ္မတ မြန်မာနိုင်ငံတော် ဖွဲ့စည်းပုံအခြေခံ ဥပဒေ နှင့်ပတ်သက်သော အဓိပ္ပါယ် ရှင်းလင်းချက်များ စာတမ်း၊ စာမျက်နှာ ၁၈ အောက်ဆုံးပိုဒ်တွင် အောက်ပါအတိုင်း ရှင်းလင်းထားပါ သည်။ပြည်ထောင်စု ဆိုရှယ်လစ်သမ္မတမြန်မာနိုင်ငံတော်ဟု ခေါ်ထားခြင်းမှာ တိုင်းရင်းသားလူမျိုးစုံတို့ စုပေါင်းနေထိုင်သည့် ပြည်နယ် နှင့် တိုင်းများ ဖွဲ့စည်းထားသော ပြည်ထောင်စုနိုင်ငံဖြစ်ကြောင်း၊ သမိုင်းစဉ်တလျှောက် မြှော်မှန်းခဲ့ကြသည့် ဆိုရှယ်လစ်စနစ်ကို မြဲမြံခိုင်မာစွာ တည်ဆောက်ကျင့်သုံးသွားမည့် နိုင်ငံဖြစ်ကြောင်း၊ ဘုရင်စံနစ်ဖြင့် အုပ်စိုးသော နိုင်ငံမဟုတ်ဘဲ လုပ်သားပြည်သူတို့ အာဏာပိုင်စိုးသော နိုင်ငံဖြစ်ကြောင်းနှင့် တိုင်းရင်းသားလူမျိုးများကို သိမ်းကျုံးပေါင်းရုံး၍ ခေါ်ဆိုသည့် မြန်မာဟူသော လူမျိုးများ မှီတင်းနေထိုင်ရာ နိုင်ငံတော်ဖြစ်ကြောင်း ပေါ်လွင်ထင်ရှားစေရန် ဖြစ်သည်။

အထက်ပါစာတွင် တို့ဗမာအစည်းအရုံးက “ဗမာ”ဟူသော ဝေါဟာရနှင့် ပတ်သက်၍ ရှင်းလင်းဖော်ပြသလိုမျိုး “မြန်မာ”ဟူသော အ သုံးအနှုန်းအပေါ် သေချာကျနစွာ အကျိုးသင့်အကြောင်းသင့် ရှင်းလင်းဖော်ပြထားခြင်း မရှိချေ။ ကျင့်သုံးအုပ်ချုပ်မည့်ပုံစံကို မဆီမ ဆိုင် ဖော်ပြကာ ဘာ့ကြောင့် တိုင်းရင်းသားလူမျိုးများ အားလုံးကို မြန်မာဟု သိမ်းကျုံးပေါင်းရုံးခေါ်ဆိုရကြောင်း မရှင်းဘဲ မြန်မာနိုင်ငံဟု ဇွတ်အတင်း ခေါ်ဝေါ်လိုက်ခြင်း သာဖြစ်ကြောင်း တွေ့ရှိရမည် ဖြစ်သည်။

ရှင်ပြုရာတွင် စုံ မ အယူ

ရှင်ပြုရာတွင် စုံ မ အယူ

"သားရှင်ပြုခြင်း" သည် ဗုဒ္ဓဘာသာတို့၏ ဓလေ့ထုံးတမ်စဉ်လာဖြစ်၏။
မိမိ၏ သာဖြစ်သူကို သာသနာ့ဘောင်သို့ သွတ်သွင်းခြင်းဖြစ်သောကြောင့် မွန်မြတ်ပါ၏။
ကောင်းမွန်သော မြန်မာ့ရိုးရာ ယဉ်ကျေးမှုလည်း ဖြစ်ပါ၏။
သို့သော် ယခုခေတ် "သားရှင်ပြုနည်း" ကား
ဘုရားရှင်လက်ထက် "ရှင်ရာဟုလာ ရှင်ပြုနည်း" နှင့်မူ မတူတော့ပေ။
ရှင်ရာဟုလာကို သာသနာ့ဘောင်အတွင်း သွတ်သွင်းစဉ်က နတ်လည်းမပြ၊
ရှင်လောင်းလည်း မလှည့်၊ ဗောင်း နားဋောင်း စလွယ် စသည့်
ရှင်လောင်းတို့၏ အဆင်တန်ဆာ အဆောင်အယောင်များလည်း ၀တ်ဆင်ခြင်းမရှိခဲ့။
ပကတိအေးချမ်းစွာ၊ ငြိမ်သက်စွာ၊ သန့်စင်စွာ အနှစ်အသားကျကျ
ပကာသနမစွက်ဘဲ "ရှင်ပြု" ခဲ့ခြင်းပင် ဖြစ်ပါ၏။

သာသနာတော်၏ ဖခင်ဖြစ်တော်မူသော "ဘုရားရှင်" ၏ သားတော် "ရာဟုလာ" ကို
ခမ်းခမ်းနားနား ထည်ထည်ဝါ၀ါ ရှင်ပြုပေးချင်ပါက ဘုရားရှင်ကို ကြည်ညိုသော ရှင်ဘုရင်များ၊
မှူးမတ်များ၊ သူဌေးသူကြွယ်များက အစွမ်းကုန် ပုံအောလှူဒါန်းကြပေလိမ့်မည်။
တုမနှိုင်းသာအောင် ခမ်းနားထည်ဝါ စည်ကားသိုက်မြိုက်ပေလိမ့်မည်။
သို့တစေ ဘုရားရှင်သည် ပကာသနကို နှစ်မြို့တော်မူဟန်မတူ၊
အနှစ်အသားကျကျ ငြိမ်သက်အေးချမ်းစွာပင်
"ရှင်ရာဟုလာ" အား သာသနာ့အမွေကို ခံတော်မူစေခဲ့သည်။

ရှင်ပြုမင်္ဂလာပွဲများကို ခေတ်အဆက်ဆက် ပြုလုပ်ခဲ့ရာ
ဗုဒ္ဓနည်းမကျသော အယူအမြင်များ၊ လုပ်ရပ်များ ရောစွက်လာခဲ့ပေသည်။
ယင်းတို့ရောစွက်လာရာတွင် "စုံ-မရှင်မပြုကောင်း" ဟူသောအယူအစွဲလည်းပါဝင်ပါ၏။

ရှင်ပြုမင်္ဂလာပွဲ ကျင်းပတော့မည်ဆိုလျှင်
"ရှင်လောင်းက ဘယ်နှစ်ပါးလဲ"
"စုံ ရှင်မပြုကောင်းဘူး"၊
"မ-မှရှင်ပြုကောင်းတယ်" ဟူ၍ ပြောတတ်ကြ၏။
မည်သူက စတင်တီထွင်သွားခဲ့သည်မသိ၊
နှောင်းလူအဆက်ဆက်ကလည်း ထိုအယူအဆမှာ သဘာဝကျ- မကျ၊
ယုတ္တိတန်-မတန်၊ ဘုရားဟောနှင့် ညီညွတ်ခြင်း ရှိ-မရှိ...
ဘာတစ်ခုမျှ မဆန်းစစ် မဝေဖန်၊
အကြောက်တရားအခြေခံဖြင့် အစဉ်အလာဆိုသလို လက်ခံခဲ့ကြချေတော့သည်။

စုံဂဏန်းဟူသည် သင်္ချာ၌ ၂၊၄၊၆၊၈... ဖြစ်ပြီး၊ မဂဏန်းဟူသည်
၁၊ ၃၊ ၅၊ ၇၊ ၉... ဖြစ်ပါ၏။ သို့ဖြစ်ရာ ရှင်လောင်းများအား
နှစ်ပါး၊ လေးပါး၊ ခြောက်ပါး၊ ရှစ်ပါး စသည်စုံဂဏန်းဖြစ်နေလျှင် ရှင်မပြုကောင်း၊
သုံးပါး၊ ငါးပါး... စသည် မ-ဂဏန်းဖြစ်နေမှ ရှင်ပြုကောင်းသည် ဟူသော အယူဝါဒသည်
(၁) ထေရ၀ါဒ ပိဋကတ်တော်များတွင် ပါဝင်ပါ၏လော။
(၂) ကျေးဇူးတော်ရှင် မြတ်ဘုရားက ရှင်လောင်းအရေအတွက်ကို "စုံ" မပြုသင့်၊
"မ" မှသာ ပြုသင့်သည်ဟု ဟောကြားတော်မူခဲ့၍လော။

အမှန်အားဖြင့် ဤ စုံ-မ အယူအဆမှာ ထေရ၀ါဒ ပိဋကတ်တော်တွင်လည်းမပါ၊
ဘုရားရှင်က မိန့်တော်မူခဲ့ခြင်းလည်းမရှိ၊
အဌကထာ၊ ဋီကာနည်းလည်း မဟုတ်ပါ။

ရှင်ပြုရာတွင် ရှင်လောင်းအရေအတွက်ကို စုံဖြစ်မှ ပြုကောင်းသည်၊
မ-ဖြစ်မှ ပြုကောင်းသည် ဟူသော အယူဝါဒကို
ရှေးရှေးဆရာတော်ဘုရားကြီးများက နှစ်မြို့တော်မမူပါ။
အင်မတန် စက်ဆုတ်တော် မူပါသည်။

ကျေးဇူးရှင် ညောင်လေးပင် တောရဆရာတော်ဘုရားကြီးက-
"အချို့ကား ရှင်ပြုရာ၌ "စုံ" ဖြစ်လျှင် ရှင်မပြုကောင်း၊
အမျိုးတော်သူဖြစ်စေ ထည့်၍ "မ"ဖြစ်မှ ပြုကောင်းသည်ဟု
သာသနာတော်နှင့် စုံ-မ  တန်-မတန် ဟူ၍မသိ။ အယူသည်းလှ၏။
ဘုရားလက်ထက်က ပြုလုပ်သည်တို့ကို ပြောပြသော်လည်း
နောက်တစ်ပွဲရောက်လျှင် စုံ-မ ပြောချင်ကြသေး၏" ဟူ၍ မိန့်တော်မူဖူးပါ၏။

စင်စစ် ရှင်ပြုခြင်းသည် မွန်မြတ်သော သာသနာရေးကိစ္စဆောင်ရွက်နေခြင်းဖြစ်၏။
ကလေးကလား စုံ-မ ၀ှက်တမ်းကစားနေခြင်းမဟုတ်ကြောင်း သတိဆင်ခြင်ဖို့လိုပါ၏။

သို့ဖြစ်၍ ရှင်ပြုမင်္ဂလာပွဲ ပြုလုပ်ရာတွင်
ရှင်ကို စုံ မပြုကောင်း၊ မ ဖြစ်မှသာ ပြုကောင်းသည်ဟူသော အယူသည်
အခြေအမြစ်မရှိသော ကလေးကလား အယူအစွဲသာ ဖြစ်သောကြောင့်
"အစဉ်အလာ" အဖြစ် လက်ခံကောင်းသော အယူမဟုတ်ပါပေ။

မင်းနန် မော်ကျွန်း - အယူအမြင်မှန်ကန်ရေးမှ

နေ့နံအလိုက်အမည်မှည့်ခြင်း

နေ့နံအလိုက် နာမည်မှည့်ခြင်း

မြန်မာဗုဒ္ဓဘာသာဝင်အများစုသည်
ဗုဒ္ဓဘာသာနှင့် မပတ်သတ်သော အလေ့အထတစ်ခုကို
အစဉ်အလာပမာ လက်ခံနေကြပါသည်။
ယင်းမှာ "နေ့သင့်နံသင့် နာမည်မှည့်ခြင်း" ပင်ဖြစ်ပါ၏။
ဤအယူအဆမှာ မြတ်စွာဘုရားရှင်က မဂ်ဖိုလ်မှ ဖီလာဖြစ်သော တိရိစ္ဆာန်အတတ်ဟုဆန့်ကျင်ရှုတ်ချတော်မူခဲ့သော "ဗေဒင်" မှ မွေးဖွားလာခြင်းဖြစ်ပါသည်။

ဗေဒင်ပညာ၏ အခြေခံယုံကြည်ချက်မှာ ကိတ်ဂြိုဟ်မှအပ ကျန်ဂြိုဟ်ကြီး ရှစ်လုံးတို့က
လူ၏ ကံကြမ္မာကို ဖန်တီးကြကုန်သည် ဟုယူဆထားခြင်းဖြစ်ပါ၏။
(ဤယုံကြည်ချက်ပင်လျှင် ဗုဒ္ဓဓမ္မမှ ဆန့်ကျင် ဝေးကွာသွားခြင်း ဖြစ်ပါ၏။
မြတ်ဗုဒ္ဓက လူသည် မိမ်ဘ၀ကို မိမိဖာသာ ဖန်တီးသည်ဟု ဟောတော်မူခဲ့ပါ၏။)

ဤဂြိုဟ်ကြီးရှစ်လုံးတို့အကြား၌ မြန်မာအက္ခရာများကို အောက်ပါအတိုင်း ခွဲခြားထားပါသည်။ ဗြဟ္မဏပုဏ္ဏားတို့၏ မှိုင်းမိခြင်းခံရသော ပုဂ္ဂိုလ်တို့၏ လက်ချက်ဖြစ်ဟန်တူပါသည်။
က၊ ခ၊ ဂ၊ ဃ၊ င ... တနင်္လာ
စ၊ ဆ၊ ဇ၊ ဈ၊ ည ... အင်္ဂါ
ဋ၊ ဌ၊ ဍ၊ ဏ၊ တ၊ ထ၊ ဓ၊ န ... စနေ
ပ၊ ဖ၊ ဗ၊ ဘ၊ မ ... ကြာသပတေး
ယ၊ ရ ... ရာဟု
လ၊ ၀ ... ဗုဒ္ဓဟူး
သ၊ ဟ ...သောကြာ
အ ..... တနင်္ဂနွေ
အထက်ပါအတိုင်း ခွဲခြားထားသည့် နေ့အလိုက်နာမည်များကို မှည့်ခြင်းသည်
အစဉ်အလာအမာ ဖြစ်ခဲ့ပါသည်။ လူဝတ်ကြောင် များသာမဟုတ်၊
ရဟန်းသာမဏေနှင့် သီလရှင်များတွင်လည်း ဤ အလေ့အထရှင်သန်နေဆဲပင် ဖြစ်ပါသည်။
ထို့အပြင် အချို့က သိမ်သမုတ်ရာ၌ နိမိတ်ဖြေကြားရန်အတွက်
အရပ်ရှစ်မျက်နှာတို့၌ နေ့သင့်နံသင့် ပုဂ္ဂိုလ်တို့ကို နေရာချထားတတ်ကြ၏။
(ဘုရားရှင် ရွှေလက်ထက်တော်အခါက ဤသို့ ပြုမူခဲ့ခြင်းမရှိပါ)

ဗြဟ္မဏပုဏ္ဏားတို့၏ "နေ့သင့်နံကို နာမည်မှည့်ခြင်း" အလေ့အထကို
မြန်မာဗုဒ္ဓဘာသာဝင်များအကြား ထာဝစဉ် ရှင်သန်နေအောင် ရေလောင်းနေသူများရှိပါ၏။
၉၅-ခုနှစ်၊ မေလထုတ် မဂ္ဂဇင်းကြီးတစ်စောင်တွင်
"နေ့သင့်နံကိုက်မှည့်ထိုက်သလော" ခေါင်းစဉ်ဖြင့် ဆောင်းပါးတစ်ပုဒ် ဖော်ပြထားရာ၊
ယင်းဆောင်းပါးတွင် ဖော်ပြထားသည်များမှ အချက်အချို့မှာ ဤသို့ပါ။

"နာမည်မှည့်ခြင်းအမျိုးမျိုးရှိရာ မဟာဘုတ်တိုင်အထက်ဂြိုဟ်
အင်္ဂ၀ိဇ္ဇာတိုင် အထက်ဂြိုဟ်ဖြင့် မှည့်ခြင်း၊ ယက္ခတိုင်အောက်မှ အထက်သို့တက်၍မှည့်ခြင်း၊
မွေးနံကို အညွန့်အုပ်၍ မှည့်ခြင်း၊ မွေးနံကို ပဉ္စပွတ်အုပ်၍ မှည့်ခြင်း၊
မွေးနံကို အညွန့်အုပ်၍ မှည့်ခြင်း၊ မွေးနံကို ပဉ္စပွတ်အုပ်၍ မှည့်ခြင်း၊
မွေးနံကို ဆပွတ်အုပ်၍မှည့်ခြင်း... စသည်တို့ဖြစ်သည်။"

မွေးနံကိုက်မှည့်ခြင်းဖြင့် ရနိုင်သောအကျိုးကျေးဇူးများမှာ-
(၁) တနင်္ဂနွေသားကို တနင်္ဂနွေနံဖြင့် မှည့်လျှင် ချမ်းသာကြီးအံ့။
      (၂) တနင်္လာသားကို တနင်္လာနံဖြင့် မှည့်လျှင် ခွန်အားစွမ်းပကား ကြီးမားအံ့။
      (၃) အင်္ဂါသားကို အင်္ဂါနံဖြင့် မှည့်လျှင် ဥစ္စာရအံ့။
      (၄) ဗုဒ္ဓဟူးသားကို ဗုဒ္ဓဟူးနံဖြင့် မှည့်လျှင် ကျေးကျွန်၊ ကျွဲနွားများ အံ့။
      (၅) ကြာသပတေးသားကို ကြာသပတေးနံဖြင့် မှည့်လျှင် ချမ်းသာအံ့။
      (၆) သောကြာသားကို သောကြာနံဖြင့် မှည့်လျှင် ချမ်းသာအံ့။
      (၇) စနေသားကို စနေနံဖြင့် မှည့်လျှင် ငယ်စဉ်က အလှူပေးရအံ့။ - ဟူ၍
"အကောင်းဟောချည်း" ကိုသာတွေ့ရလေသည်။
မည်သည့်နေ့သားမဆို မွေးနံအလိုက် နေ့နံကိုက် မှည့်ခြင်းဖြင့် အဆိုးမပါ။ အကောင်းသာဖြစ်ခြင်း၊
မွေးနံကို သိရှိမှတ်သားဖို့လည်း လွယ်ကူခြင်းတို့ကြောင့် နေ့နံအလိုက် မှည့်ခြင်းသည်
အသုံးပြုသင့်သော နည်းစနစ်တစ်ခုဖြစ်ပါသည်။
"အစမွေးနံ၊ အရင်းခံ၊ ဘုန်းကံတိုးတက်လှ" ဟူသော
ဆိုရိုးစကားနှင့်လည်း ကိုက်ညီမည် ဖြစ်ပါသတည်း။

ရှေးအခါက လူတစ်ရာလျှင် ကိုးဆယ်နီးပါးခန့်
နာမည်ကိုမွေးနံဖြစ့် မှည့်ကြသည်ချည်းဖြစ်၏။
တနင်္ဂနွေသားတစ်ရာလျှင် ကိုးဆယ်ခန့် တနင်္ဂနွေနံဖြင့် မှည့်ကြလင့်ကစား၊
ထို ကိုးဆယ်မှာ ဘယ်နှစ်ယောက်ချမ်းသာပါသနည်း။
ချမ်းသာခြင်းဟူသည် "နာမည်" နှင့်မဆိုင်၊
ကံ၊ ဥာဏ်၊ ၀ီရိယ တို့နှင့်သာသက်ဆိုင်၏။
ရှေးခေတ်အခါက ကျေးလက်နေ ပြည်သူအများစုက
နေ့နံသင့် အမည်ပေးခြင်း၌ ပို၍ ယုံကြည်ကြ၏။
တစ်ရွာလုံးတွင် နေ့သင့်နံသင့် နာမည်မမှည့်သူဟူ၍ တစ်ယောက်မျှပင် ရှိလိမ့်မည်မဟုတ်၊
နေ့သင့်နံသင့် နာမည်မှည့်သူတွေချည်း ဖြစ်ပါလျက်
တစ်ရွာလုံးတွင် ချမ်းသာသူက လက်ချိုးရေတွက်၍ ရပြီး ဆင်းရဲသူက အများစုဖြစ်ပါ၏။
နေ့သင့်နံသင့် နာမည်မှည့်ပါလျက် ဘာကြောင့် မချမ်းသာပါသနည်း။
"အစမွေးနံအရင်းခံ ဘုန်းကံတိုးတက်လှ" ဟူသည်ကို
ဆိုရိုးစကားဟု (အထက်ပါ ဆောင်းပါးတွင်) ရေးခဲ့၏။
ဆိုရိုးစကားဖြစ်လျှင်လည်း၊ သာသနာပြင်ပ ဗြဟ္မဏ၀ါဒီတို့၏
နောက်လိုက်ငယ်သားများက ပြောသော "ဆိုရိုးစကား" သာဖြစ်မည်။
ထေရ၀ါဒ ဗုဒ္ဓဘာသာ၏ ဆိုရိုးစကားမဟုတ်ပါ။

ထေရ၀ါဒကမူ ဘုန်းကံဟူသည် ပုဂ္ဂိုလ်၏ ကံ၊ ဥာဏ်၊ ၀ီရိယနှင့် ပြုအပ်သော
ကုသိုလ်မှု၊ အကုသိုလ်မှုတို့ အပေါ်တွင်သာ တည်ပါ၏။ နာမည်နှင့် မဆိုင်ပါချေ။

နေ့နံအလိုက် နာမည်ပေးခြင်းနှင့် စပ်လျဉ်း၍ တည်တော်ဆရာတော်ဘုရားကြီးက
"လောကီအယူအဆအရသာ နေ့နံလိုက်ပြီး နာမည်မှည့်ခေါ်ကြခြင်းဖြစ်ပါသည်။
လောကုတ္တရာလမ်းက ဘုရားအရိယာ သူတော်မြတ်များသည်
နေ့နံအလိုက် နာမပညတ်ကို အဓိကထားပြီး သုံးစွဲတော်မမူကြပါ။
ထို့ကြောင့် ဘုရားရှင်တို့၏ ဘွဲ့တော်များမှာ
နေ့နံအလိုက် မတွေ့ရခြင်း ဖြစ်ပါသည်" ဟူ၍ မိန့်တော်မူခဲ့ပါ၏။

နာမည်မှည့်ခြင်းအပေါ် တည်မှီ၍ ချမ်းသာခြင်းလည်း မဖြစ်နိုင်။ ဆင်းရဲခြင်းလည်း မဖြစ်နိုင်။
နာမည်မှည့်၍ ချမ်းသာမည်ဆိုလျှင် ဗေဒင်ဆရာသားတွေချည်း ချမ်းသာနေမည်ဖြစ်ကြောင်း
နာမည်ကျော် လက္ခဏာဆရာကြီး ဆရာစန္ဒြက
(ဘ၀ခရီးနှင့် အတွေ့အကြုံများ စာအုပ်၊ စာမျက်နှာ ၁၉၂ တွင်) ဤသို့ရေးသားခဲ့ပါ၏။
ယခု အသက်ကြီးလာသောအခါ
ငါးရာငါးဆယ် ဇာတ်တော် ပထမတွဲ၊ စာမျက်နှာ (၄၆၈)တွင်
နာမသိဒ္ဓိဇာတ်ကို မြတ်စွာဘုရားဟောတော်မူသည်။
နာမည်ဆိုသည်မှာ အလကား၊ မောင်သက်ရှည်လို့ မှည့်သော်လည်း အသက်တိုသွားနိုင်သည်။ မောင်ချမ်းသာဟု မှည့်သော်လည်း ဆင်းရဲနိုင်သည်။
မိမိတို့ပြုခဲ့သော အတိတ်ဘ၀ကုသိုလ်များဖြင့်သာ အကျိုးပေးကြကုန်သည်။
ပုဗ္ဗေစကတပုညတာ၊ ရှေးကံက စီမံသည့်အတိုင်း ဖြစ်ရသည်။
မောင်သက်ရှည်ဆိုသူသည် ငယ်ငယ်က သေသွားသည်။
သူဌေးမဆိုသူလည်း ဆင်းရဲနေသည်။
      အမည်ဟူသည်ကား ပညတ်များဖြစ်သည်။ အမည်ဖြင့် ပြီးစီးသည်မရှိ။
ကံဖြင့်သာလျှင် လုပ်ကြရသည်။ အလွန်မှန်သည်။
နာမည်မှည့်၍သာ ချမ်းသာမည်ဆိုလျှင် ဗေဒင်ဆရာသားတွေချည်း ချမ်းသာနေမည်။
ဤကဲ့သို့ နားမလည်ဘဲ အလွဲလွဲ အမှားမှားတွေ ဖြစ်နေသည်။

"နေ့နံအလိုက် နာမည်မှည့်ခြင်းသည် ကြီးပွားချမ်းသာစေ၏" ဟူသော အယူမှာ
ကံ-ကံ၏ အကျိုးကို ပစ်ပယ်သောအယူဖြစ်ပါ၏။ ဗုဒ္ဓဘာသာဝင်တို့၏ အခြေခံဖြစ်သော
"ကမ္မဿကတာ သမ္မာဒိဌိဥာဏ်" ကိုတားဆီးပိတ်ဆို့သော အယူဖြစ်ပါ၏။
ဘုရားရှင်လက်ထက်တော်အခါကမူ ဘုရားအပါအ၀င် အရိယာသူတော်စင်များသည်
နေ့နံအလိုက် နာမပသုတ်ကို အဓိကထားပြီးသုံးစွဲတော်မမူပါ။
ဘုရားရှင်နှင့် ရဟန္တာအရှင်မြတ်ကြီးတို့၏ ဘွဲ့တော်များမှာလည်း နေ့နံအလိုက် မဟုတ်ပါ။
သို့ဖြစ်၍ "နေ့နံအလိုက် နာမည်မှည့်ခြင်း" သည်
ထေရ၀ါဒ ဗုဒ္ဓဘာသာအယူမဟုတ်ဘဲ၊
ဟိန္ဒူဗြဟ္မဏတို့၏ ဂြိုဟ်ကြီးကိုးလုံးအယူဝါဒမှ မြစ်ဖျားခံလာသော
အလေ့အထတစ်ခုဖြစ်ကြောင်း အသိရှင်း၊ အမြင်လင်းစေလိုပါသည်။

မင်းနန် မော်ကျွန်း - အယူအမြင်မှန်ကန်ရေးမှ